سياسة الخصوصية
آخر تحديث: 14 أكتوبر 2026
goodbody AI (goodbody.live) منصة كتعاون التجار يحللو المنتجات ويصاوبو فيديوهات إعلانية وتعليق صوتي بالذكاء الاصطناعي. هاد الصفحة كتشرح شنو المعلومات اللي كنجمعو، علاش، مع من كنتشاركوها، وكيفاش تحذف الحساب ديالك.
1. المعلومات اللي كنجمعو
- معلومات الحساب: الاسم ولا اسم المتجر، البريد الإلكتروني، وكلمة السر (مخزنة مشفرة، حتى حنا ما كنشوفوهاش).
- إلا دخلتي بـ Google ولا Facebook: المعرّف ديال الحساب، والاسم والإيميل اللي كيعطيونا. ما كنوصلوش لكلمة السر ديالك، وما كننشرو والو فالحساب ديالك.
- المحتوى اللي كتصاوب: روابط المنتجات، الصور اللي كترفع، النصوص، والفيديوهات والتسجيلات الصوتية اللي كيتولدو.
- معلومات تقنية ضرورية: cookie ديال الجلسة (باش تبقى داخل)، وعنوان IP لمدة قصيرة لحماية الحسابات (بحال الحد من إرسال الأكواد).
- البلد ديالك (بشكل تقريبي): كنعرفوه من المنطقة الزمنية ديال الجهاز ديالك (كتتصيفط فـ cookie صغيرة) ملي كتستعمل الموقع، غير باش نحسبو شحال من تاجر كيستعمل goodbody AI فكل بلد. ما كنستعملوش الموقع الجغرافي ديالك ولا عنوان IP لهاد الغرض.
2. علاش كنستعملوها
- باش نفتحو ونسيرو الحساب ديالك ونقدمو الخدمات اللي كتطلب.
- باش نصيفطو ليك أكواد التأكيد وتبديل كلمة السر.
- باش نحميو الموقع والتجار من الاستعمال السيء.
ما كنبيعوش المعلومات ديالك، وما كنستعملوهاش للإشهار.
3. مع من كنتشاركوها
- مزودي الذكاء الاصطناعي اللي كيولدو المحتوى (OpenAI، fal.ai، ElevenLabs): كيوصلهم غير داكشي اللي خاص للطلب ديالك (النص، ولا رابط وصورة المنتج).
- Google و Meta (Facebook): غير إلا اخترتي تدخل بيهم. صفحة الدخول كتحمّل أدوات الدخول ديالهم، وعندهم سياسات الخصوصية ديالهم.
- الاستضافة (Hostinger): فين كيتخزنو الموقع والمعلومات.
- الدفع (PayPal): PayPal هو اللي كيخدم الدفع ديالنا. ملي كتشري النقاط، PayPal كيوصلو معلومات الدفع ديالك وكيعطينا سميتك، الإيميل ديالك ورقم المعاملة. حنا عمرنا ما كنشوفو معلومات البطاقة ديالك؛ كنحتفظو غير بسجل ديال كل شرية (رقم المعاملة، المبلغ والنقاط).
4. شحال كنحتافظو بيها
كنحتافظو بالمعلومات ما دام الحساب مفتوح. أكواد التأكيد كتتمسح بوحدها من بعد وقت قصير.
5. حذف الحساب والمعلومات
باش تحذف الحساب ديالك وكلشي المعلومات المرتبطة بيه (بما فيها المعلومات اللي جات من Facebook ولا Google):
- صيفط إيميل لـ service@goodbody.live من الإيميل ديال الحساب، والموضوع: «حذف الحساب».
- كنحذفو الحساب، المحتوى ديالو، والربط مع Google و Facebook فـ 30 يوم على الأكثر، وكنأكدو ليك بالإيميل.
تقدر حتى تحيد goodbody AI من Facebook: الإعدادات والخصوصية ← الإعدادات ← التطبيقات والمواقع الإلكترونية. ومن Google: myaccount.google.com ← الأمان ← الاتصالات بتطبيقات وخدمات خارجية.
6. التواصل
لأي سؤال على الخصوصية: service@goodbody.live
English summary
goodbody AI stores your name, email address, hashed password, your Google or Facebook account ID (only if you sign in with them) and the content you create, to run your account and provide the service. Content is sent to AI providers (OpenAI, fal.ai, ElevenLabs) only to generate what you request. We do not sell your data or use it for advertising.
Data deletion: to delete your account and all associated data (including data received from Facebook or Google), email service@goodbody.live from your account's email address with the subject "Delete my account". We delete everything within 30 days and confirm by email. You can also remove the app in Facebook: Settings & privacy → Settings → Apps and websites.
الأثمنة · شروط الاستخدام · الاستعمال المقبول · سياسة الاسترجاع
→ رجوع للموقع